Aaj subah subah maine ek khabar padhi ki swargwasi(kuchh news channel ki maane to sadeh abhi bhi prithvi par chalayman) Michael Jackson ko 12 lakh ke tabut mein dafnaya jayega.is tabut ki khasiyat ye hai ki ise banane mein sone ka bharpur istemaal hua hai.
Hamare mohalle ke Ramji uncle ne bhi is khabar ko padha, aur jaisa ki unki prakirti hai jahan bhi lakh ki baat hoti hai,wo us baat mein aranga jaroor lagate hain.
Pahunch gaye subah subah hamara hin bheja kahne,kahne lage-are bhai kya yeh log pagal ho gaye hain jo pahltu mein itna paisa barbad kar rahe hain.
maine kaha,Uncle michael sahab bahut amir aadmi the,aur jab amir marte hain to marte marte bhi apni amiri ki chhaap chod jate hain.
are kya khak amir aadmi the, karoron ka karza le rakha tha unhone.chalo karz toh koi badi baat nahin lekin unki karni bhi toh dekho.kya kya iljam lage the unpe.
hamari baat abhi chal hin rahai thi ki ramkhelawan chacha aate hue dikhe.
ab kya hai ki Ramji aur Ramkhelawanji ki jodi Jai-Veeru jaisi hai,jinki ek mudde par rai nahin banti par paroksh pyar bahut hai.
Aate hin bole-kyon ram kaun si duniya ki kahani lekar baith gaye,aaj khet jotne ke liye Rambaua ko bula lijiye,lagle haath hum bhi jutwa lenge.bahut kaam hai,aaj nahin hua to bhir late ho jaayegi.
aur sunao kya charcha chal rahi hai.
Ramji ne kaha-'dekho bhai kaisa jamana aa gaya hai,apna raamu jo gaon mein shaadi byah mein paani bharta tha aur khane ke siva kuchh nahin leta tha,kitna shanda karecter tha uska,lekin jab mara tab ek lota paani nahin nasib hua,aur ek Michael shab hain jinka tabut hin 12 lakh ka hai,lekin unka karecter jante hain naa aap.'
ramkhelaawan bole-'sab status ki baat hai bhai,unka status jaante hain aap.'
aur bank ka karoro khakar pacha jane walon ki baat hin aisi hoti hai.
Ramji uth khare hue aur bole are humko ek kaam yaad aaya,khet to jotwa lenge lekin khad beej ke liye abhi bank se paisa lana hin bhul gaye'.

maa da ladla aur bigrega

Film 'Dostana' ki tapish se abhi logo ne nijat hi nahin paya tha ki ek aur tikhi kiran mastak par aan padi.High court ka yeh faisla, ki samlaingik samabandh manya hai, ne nishchit roop se Karan Johar ke chehre par muskaan la di hogi. Aakhir unhone kafi mehnat ki hai is vishay par.
Waise dekha jaaye to isme burai waali koi baat nazar bhi nahin aati.Jis tarah se desh mein Kanya Bhrun Hatya jaisa nikrisht apradh sachin ki batting jaisi chal rahi hai,usme ek din toh aisa aana hin tha, bhale hin wo kshan 10 saal baad aaye.
Kaha bhi gaya hai ki'Mile na phool toh kaanto se dosti kar li,
kuch is tarah se guzar hamne jindagi kar li,
Ab zahir si baat hai ki jab gulab rahega hi nahin to kaaton se dosti to karni hin padegi.
kabir ne kya khub kaha hai, kal kare so aaj kar, aaj kare so ab.
high court ka faisla kabir ji ke pad chinho par chalta hua dikh raha hai.
Aakhir itne bade bade deegree holder log baithen hain upar.
purane jamane mein lakde lakiyon ko milne se roka jata tha ki kahin badnami na ho jaye.
ab to koi dikkat hin nahin hai.aakhir friendship bhi kucchh chij hoti hai ki nahin.
Hamari atma aur samajh itni viksit ho chuki hai ki hum aane wale samay ke bare mein pehle se bahut kuchh jaan lete hain,kal ko kya ho jaye kya pata.
Waise bhi jo log subah-shaam park se nirash hokar ghar prashthan karte hain,wo is sher se prerna pa sakte hain ki
Haule haule ho jaayega pyar.
Pyar kaisa bhi ho male se male ka ya, female se female ka
pyar aakhir pyar hota hai.
yeh ishq nahin aashan bus itna samajh lije
Ek aag ka dariya hai aur doob ke jaana hai
faisle ke baad,
'yeh pyar bahut aasan bus tension mat lije
upar ka faisla hai aur mauj manana hai'
Astu.

naxals

what is this happening in this present scenario, we indirectly know but what I really think is that we all are human being and only being a human being is not enough.we should also think about the person who are deeply suffered by the attack of naxals.current is the example of west bengal.what should be done.